المسخ الوسخ
عدد المساهمات : 12
تاريخ التسجيل : 28/09/2009
 | | موضوع: قصتي بالحرب العالميه الثانيه... الي ميدخل والي يكول جذب اموته ,,,, قصه بشعه الإثنين سبتمبر 28, 2009 5:20 pm | |
| كلكم إتعرفون الحرب العالميه الثانيه تقريبا بالـ (1935).. آني جان بوكتها عمري 16سنه... المهم كاعد بالبيت دا العب بلي ستيشن 2.. دك الموبايل مالتي (اي لا تتعجبون.. اني من ذاك الوكت عندي موبايل N2345098)
اي اكمللكم.. دك الموبايل.. جنت حاط نغمة مال هيفاء وهبي (اني ابنك يا عراق).. شلته.. طلع (رئيس الجمهوريه مال روسيا).. كلي:بويه.. آسفين على الازعاج بس الوضعيه حيل عاوية.. والجيش نصه راح بالزلك.. محتاجينك حيل.
آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.
كتله والله عمو... إبطن عيني.. هسه بس أفوّل المولده التايكر كاز للبيت.. وأجيكم
والله ترست المولدة كاز.. وجيـّـكت الدهن.. وأخذت البايسكل مالتي..بوكتهه جان كير عادي.. ذبيته (D).. وقبـّـطت سكليتر.. وين؟؟.. على الخط السريع مال (حله-كروك).. ومناك كلت آخذ يمنه على روسيا.. بس المشكله ماكو جان جسر بذاكه الوكت.. المهم دست دكمه بالبايسكل وصار غواصه.. والله نص ساعه اني بنص موسكو.. بس شحجيلكم!!.. باردة تسمط سمط.
شغلت التبريد مال البايسكل و صعّدت الجامات... والله كلتلهم وين بيت رئيس الجمهوريه؟؟.. كلولي بقطـّاع 20 يم مرطبات (علاوي جرثومه)
وصلت.. دكيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وكلي الله جابج.. كتله خير عمو؟؟... كال هيج وهيج السالفه.. والالمان طبوا بينه .. كتله عمو.. صدك جذب.. اني موجود وهيج يصير!!!
اني رايح.. منا ليومين ان شاء الله تسمع خير
طلعت رحت على ولد أعرفه بروسيا اسمه (قاسم) هذا شقاوه مال بغداد جان وصديقي الروح بالروح.. كتله قسومي هيج وهيج الفلم أريد أسلحه.. كلي تدلل شتريد؟؟.. كتله اريد 65 صاروخ (أرض- أرض)..... و34 صاروخ (أرض- مي) اقصد
(ارض- جو)....... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات.... وواحد علج ليز وثنين جبس ابو السهم
والله حطيناهم بعلاكه.. اخذتهن وعدل وكٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدك جانت داجـّه (يعني تعبانه).. بس اني خوما اخاف!!.. لا يابه لا... كلتلهم للجنودانتوا لمـّوا جوالاتكم ورجعوا للبيوتكم.. مالكم علاقه.. السالفه يمي صارت
باوعت يمنه.. يسره.. شحجيلكم بلـ (56415982674534)جندي ألماني.. (وكل واحد راكب دبابة منفيست حديث).. بس اني تعرفوني سبع
نصبّت الصواريخ على جتفي وصيـّحت....اني إلكم.. طباطبا.. طاخ طاخ طاخ.. الزكه.. جيبه.. ودي.. الله.. إصلخه.. ألطمه (هاي موسيقه تصويريه).
والله صفيتهم بقوا بس 7 جنود ودبابتين واني باقيلي رمانه وعلج أبو السهم...... شسويت؟.. لزكت العلج أبو السهم بالرمانه وشمرتهاعلى الدبابة.. لزكت بيها.. وجان تنفجر.
بقت دبابة وحدة.. ركضت عليها وبيدي قلم أبو النبالات (لحد يكولي منين جبته.. هوه إجه)... والله وبالقلم كطعت السرفه (التايرات مال الدبابه يعني).. وكفت... كُمزت عالقمارة.. فتحت الباب.. نزّلتهم بيدي.. واخذتهم أسرى.
طبعا وره ما هيج سويت.. إجه الرئيس الروسي وباسني من راسي وكلي:..
ابني انته اقوه من كوندريزا والله..
كتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالجيس.. واشترولي بنطرون كتان أصلي من الصين درجةأولى.. وبوتين أديداس أبو العلامة.
رجعت للبيت.. وشغلت المولدة.. وكعدت اتفرج (عدنان ولينا)
الي يكول جذب اسوي بيه مثل الالمان | |
|
