قصه شخص لمن دا يسوي لجوء سياسي ,,, قصه بشعه

بسنه 2006 قررت ان اترك العراق لان صارت مزعطه واحد يكتل الاخ و فد شي محلو فقررت ان اترك العراق فكلت خل اروح اول شي لمكتب سفريات يسويلي فيزة شنكن حتة اشلع بيهة المهم فتت على ابو سفريات و اتفقت وياه كلي بس اسويهة بدفتر ونص اني قبلت بسرعة شنو دفتر ونص مالة قيمه فمن دا اطلع من المكتب طلع الاخ عالسني فشفت سيارة اوبل سودة تلحكني اني همينه عندي سيارتي لمبور كييني فقبطت سكليتر بيهة بس شنو العصابة يضربون عليه طلقات و اني وحدي فزرفوا تاير و جانت سرعتي 200 جان انكلب كلبه مو طبيعية بس بفلام كارتون صايرة المهم جان انكلبت 11 كلبة والقاط مالتي انشك و اتبهذلت جان انزل من السيارة ركض و دوسة دوسة جان يضربوني صلية برجلي جان يكمشوني وحطوني بالصندوك مال السعاده ( اكيد تعرفون هاي التسمية ) فدفرت الصندوك جان اجيت منه جان ينزلولي اربعتهم و كتلوني كتل على الكتلوك المهم شدشدوني زين و رجعوني للصندوك اني كل الضوجني القاط اتشكك مرعدوه المغول جان ينزلوني ابيت اني مشدودة عيني بس اكدر اشوية اباوع جان احاول انهزم همينة جان واحد منعدهم كال هذة اشلون احنه وياه جان يضربني طلقة برجلي اللخ المهم ضليت يم العصابة اسبوع يومية يكتلوني اخر شي اطيتهم 8 دفاتر ( ابو المية البي سيم شلونه؟؟ ) وطلعوني جان اروح للشرطة و اطيتهم رشاوي جان يطلعون يدورون وياية على العصابة وورة اسبوعين من البحث المتواصل لكيتهم و اخذت فلوسي منهم و كمشت جوازي وكبل لسورية جان اتفق وية مهرب ايطلعنلي لليونان المهم اني اختصرت و اروح الى الاذقية و اروح سبح لليونان طولت بالسبح يومين بالمي ضليت !!! جان افوت لليونان ورحت للمهرب وكتلة اني وصلت جان يطلعني على غابات وما اعرف شنو وهناك جان يكمشونه الجيش مال الحدود ما اعرف يا دولة جانت وهم دك كتل ونتل ولعبان نفس بس اني اخوكم متعود شغلة طبيعية من الاتكيت و ذبوني سجن 4 شهور وطلعوني جانت الجيك هاي لان من طلعت سألت عليهة و هم اروحلك الى المانيا و الى السويد سبح ( تدرون بيه كوسج قديم ) و اروح الى ايسلندا اخر دولة بالشمال بعد ماكو غيرهة ليفوك بالخريطة وطلبت لجوء وحجيتلهم قصتي و اخذت لجوء سياسي ( كتلهم اني ابن عم بت خالت ابن اخو صدام ومطلوب )

وهسة اني عايش بافريقيا احسن عيشة اطلع الصبح اروح اتسوك من روما اكو سوك كولش حلو هناك وارجع العصرية للبيت وباليل اطلع اني و الشباب نسهر باليونان ونرجع وجه الصبح انبات ابفيتنام وعايش الحمد لله